Əmək haqqı və bonuslar

İşçilərə sabit maaş və satışdan bonus: istənilən sayda bonus sxemi, aylıq hesablama, vergi və tutulmalar, təsdiq və Excel. Hər işçi öz vərəqəsini və bu ayın bonus proqnozunu görür.

«💵 Əmək haqqı» bölməsi sabit maaşı və satışdan bonusları bir yerdə hesablayır. Bonus satış, qaytarma və mənfəətdən P&L hesabatı ilə eyni rəqəmlərlə hesablanır. Bölmə Standard, Business və Enterprise paketlərindədir; cədvəlləri admin, baş mühasib və mühasib görür (Parametrlər → İmtiyazlar ilə dəyişmək olar).

1. Bonus sxemi yaradın

«Bonus sxemləri» tabında «Yeni sxem» basın və ad yazın (məs. «Satış menecerləri»).

Hər qayda üçün seçin: bonus və ya tutulma; hesablama növü (faiz, pilləli faiz, plan yerinə yetiriləndə, hər vahid üçün, sabit məbləğ); nədən (satış, qaytarmasız satış, qaytarmalar, mənfəət, daxil olan ödənişlər, qazanılan sövdələşmələr, yeni müştərilər); kimin (öz müştəriləri, öz satışları, komandası, bütün şirkət).

Nümunə: «Öz müştərilərinin satışından 3%», «Plan 20 000 AZN → 300 AZN», «Qaytarmalardan 5% tutulur», «Mənfəətdən 2%».

Aşağıdakı «Sına» hissəsində işçini və ayı seçib «Hesabla» basın — sxemi yadda saxlamadan nəticəni görürsünüz.

2. İşçilərin maaşını yazın

«İşçilər və maaşlar» tabında hər işçi üçün sabit maaşı və bonus sxemini seçib «Yadda saxla» basın.

«Hesablamaya daxil» söndürülən işçi aylıq cədvələ düşmür.

«Vergi və tutulmalar» tabında hesablanmış məbləğdən tutulan faizləri (gəlir vergisi, DSMF, sığorta və s.) mühasibinizlə dəqiqləşdirib yazın. Sistem dərəcəni öz-özünə təyin etmir.

3. Aylıq hesablama

«Aylıq hesablama» tabında ayı seçib «Hesabla» basın.

Hər işçi üçün: maaş (işlənmiş günə görə) + bonus + əlavə − vergi və tutulmalar − avans/cərimə = ödəniləcək. Bonus məbləğinə basanda qaydalar üzrə izahı açılır.

Sətirdəki ✏️ ilə işlənmiş günü, əlavəni (mükafat), avans və cəriməni yazın. Yeni satış daxil olubsa «Yenidən hesabla» basın — əl ilə yazdıqlarınız qalır.

«Təsdiqlə» basın: cədvəl dəyişməz olur və işçilər öz vərəqəsini görür. Pul verildikdən sonra «Ödənildi» basın. Düzəliş lazımdırsa «Qaralamaya qaytar».

«Excel» düyməsi cədvəli və bonusların izahını yükləyir.

Nümunə: satış menecerinin bir ayı

Sxem: öz müştərilərinin satışından 3%; daxil olan ödənişdən 1%; plan 2 000 AZN — 100 AZN + artığından 2%; qaytarmalardan 10% tutulur; hər yeni müştəri üçün 5 AZN.

Ay ərzində öz müştəriləri 2 504 AZN aldı (qaytarma çıxılmaqla), onlardan 2 029 AZN ödəniş daxil oldu, 3 yeni müştəri gəldi, qaytarma olmadı.

Bonus: 2 504 × 3% = 75,12 + 2 029 × 1% = 20,29 + plan (100 + 504 × 2% = 110,08) + 3 × 5 = 15 → cəmi 220,49 AZN.

Sabit maaş 700 AZN (22 / 22 gün) + bonus 220,49 = hesablanmış 920,49 AZN. Şirkətin yazdığı tutulmalar (məs. 3% + 0,5% + 2% = 5,5%) — 50,62 AZN. Avans 100 AZN. Ödəniləcək: 920,49 − 50,62 − 100 = 769,87 AZN.

Hər işçi «Mənim əmək haqqım» səhifəsində öz maaşını, bonus qaydalarını, bu ayın bonus proqnozunu (ay bitmədən) və təsdiqlənmiş aylarını görür. Başqasının məlumatı görünmür.