Satışın idarə edilməsi üçün CRM proqramı

Satış niyə itir: dağınıq məlumat və unudulan əlaqələr

Kiçik və orta şirkətlərdə satış çox vaxt satıcının şəxsi qeydlərinə bağlı olur. Satıcı məzuniyyətə çıxanda və ya işdən gedəndə müştəri tarixçəsi də onunla gedir, vaxtında zəng edilməyən lead isə rəqibə keçir. CRM proqramının vəzifəsi hər müştəri ilə bağlı məlumatı bir kartda saxlamaq və növbəti addımı unutmağa imkan verməməkdir.

Leadlər və satış qıfı: potensial müştəridən müqaviləyə qədər

Hər müraciət lead kimi qeydə alınır və mərhələlər üzrə irəliləyir. Satış qıfı leadləri və müştəriləri 9 mərhələdən ibarət bir lövhədə birləşdirir.

• Leaddə mənbə, maraqlandığı xidmət, təxmini dəyər, məsul şəxs və növbəti əlaqə tarixi qeyd olunur.
• Kanban lövhəsində kartı sürüşdürməklə mərhələ dəyişir, uğursuz lead isə yalnız səbəb yazılmaqla bağlanır.
• Hər mərhələyə keçəndə məsul şəxsə avtomatik tapşırıq yaranır, zaman həddini keçən kart qırmızı görünür.
• Lead bir kliklə müştəriyə çevrilir, istəsəniz eyni anda sövdələşmə də yaradılır.
• Konversiya analizi hər mərhələ üzrə keçid faizini göstərir və satışdakı darboğazı tapmağa kömək edir.

Müştəri bazası, zənglər və tapşırıqlar bir kartda

Müştəri kartında fiziki şəxs, hüquqi şəxs və ya fərdi sahibkarın rekvizitləri, VÖEN-i, bank məlumatları, əlaqə şəxsləri və bütün fəaliyyət lenti saxlanılır. Zəng qeyd olunanda onun nəticəsi seçilir və növbəti addım üçün tapşırıq yaratmaq olar. Tapşırıqlar həftəlik, aylıq, rüblük və ya illik təkrarlana bilər, məsul şəxsə son tarixdən bir gün əvvəl və son tarix günü xatırlatma gedir.

CRM sistemi rəhbər üçün: idarə paneli və hesabatlar

İdarə panelində leadlər, müştərilər, sövdələşmələr, tapşırıqlar və zənglər üzrə kartlar, son 12 ayın satış qrafikləri və satıcı nəticələri bir səhifədədir.

• Hesabatlar sövdələşmələri aylıq, rüblük, illik və hər satıcı üzrə toplayır.
• Planlı hesabatlar seçilmiş gün və saatda rəhbərliyin emailinə avtomatik göndərilir.
• Parametrlərdə satıcıların yalnız öz müştərilərini görməsini təyin etmək olar.
• Hər əməkdaş yalnız vəzifəsinə icazə verilən bölmələri görür.

Kimlər üçündür

SBT CRM satış komandası olan xidmət şirkətləri, distribyutorlar, B2B satış edən firmalar və müştəri bazasını sistemli idarə etmək istəyən hər biznes üçündür. Proqram brauzerdə işləyir: kompüterdə, planşetdə və telefonda eyni hesabla daxil olursunuz, interfeys Azərbaycan, ingilis və rus dillərindədir.

Necə başlamaq

Qeydiyyatdan keçin və 7 günlük pulsuz sınaq dərhal başlasın — bank kartı tələb olunmur. Mövcud müştəri bazanızı Excel faylı ilə idxal edin: eyni VÖEN, email və ya telefonu olan təkrar sətirlər avtomatik ötürülür. Sonra əməkdaşları email ilə dəvət edin. Paketlər və şərtlər Qiymətlər səhifəsində göstərilib.

Tez-tez verilən suallar

SBT CRM-i kompüterə quraşdırmaq lazımdır?

Xeyr. Sistem brauzerdə işləyir. İstəsəniz onu telefona və ya kompüterə tətbiq kimi əlavə edə bilərsiniz, Android üçün ayrıca tətbiq faylı da var.

Mövcud müştəri bazamı Excel-dən köçürə bilərəm?

Bəli. Müştərilər bölməsində .xlsx faylını idxal edirsiniz, faylda «Ad» sütunu olmalıdır. Nəticədə neçə müştərinin əlavə edildiyi və neçəsinin təkrar kimi ötürüldüyü göstərilir.

Satış mərhələlərini öz prosesimə uyğunlaşdıra bilərəm?

Bəli. Admin Satış qaydaları bölməsində lead mərhələlərinin adını dəyişə, lazım olmayanı gizlədə və öz mərhələsini əlavə edə bilər. Mərhələ üzrə zaman hədləri və avtomatik tapşırıqların adları da orada qurulur.

Satıcılar bir-birinin müştərilərini görəcək?

Bu sizin seçiminizdir. «Satıcılar yalnız öz müştərilərini görsün» parametri yanılı olanda satıcı yalnız özünün və komanda yoldaşlarının müştərilərini, leadlərini və sövdələşmələrini görür.

Pulsuz sınaq bitəndə məlumatlarım nə olur?

Sınaq müddətində paket seçməsəniz, sistem yalnız baxış rejiminə keçir: məlumatlar saxlanılır, amma dəyişiklik etmək olmur. Paketi seçib ödəniş etdikdən sonra iş davam edir.