Anbar uçotu proqramı: qalıq, rezerv və sayım bir sistemdə

Anbar uçotu proqramı: qalıq, rezerv və sərbəst stok, anbarlararası köçürmə, barkodla sayım, IMEI izləmə. SBT CRM-i 7 gün pulsuz sınayın, kart tələb olunmur.

Stok uçotunda tipik problemlər

Anbarda nə qədər mal olduğunu bilmək kifayət deyil: onun nə qədəri artıq müştəriyə ayrılıb, nə qədəri sərbəst satıla bilər və hansı mal bitmək üzrədir — bunlar da vaxtında görünməlidir. Bir neçə anbar və ya mağaza olanda köçürmələr də uçotdan kənarda qalmamalıdır.

Stok uçotu: qalıq, rezerv və sərbəst miqdar

Stok və Anbar bölməsində hər mal üçün üç rəqəm göstərilir: Qalıq (fiziki miqdar), Rezerv (açıq sifarişlərə ayrılan) və Sərbəst (qalıq çıxılsın rezerv). Qalığı əl ilə yazmaq olmur.

Giriş, çıxış və düzəliş hərəkətləri jurnala yazılır, düzəlişdə səbəb məcburidir.
Çıxış qalıqdan çox ola bilməz, mənfi qalıq yaranmır.
Bir neçə anbar arasında köçürmə bir nömrə ilə rəsmiləşdirilir və hər iki anbarın sonrakı qalığı əvvəlcədən görünür.
Sərbəst qalıq minimum həddən aşağı düşəndə anbardarlara və adminlərə gündəlik bildiriş gedir.
Hərəkətlər jurnalında mal, növ və tarix üzrə süzgəc var, hər sətirdə hərəkətdən əvvəlki və sonrakı qalıq yazılır.

Sayım (inventarizasiya) barkod skaneri və Excel ilə

Sayım qaralama kimi başlayır və təsdiqlənənə qədər qalıqları dəyişmir. Sayılan miqdarı əl ilə yazmaq, barkod skaneri ilə oxutmaq (hər oxuma +1) və ya Excel vərəqi ilə yükləmək olar. Kor sayım rejimində sayan şəxs sistemdəki rəqəmi görmür. Təsdiqdən sonra fərqlər jurnala düzəliş kimi düşür, akt isə sayan şəxs, anbardar və rəhbər üçün imza yerləri ilə çap olunur.

Mal kartı: ölçü vahidləri, IMEI və maya dəyəri

Ölçü vahidi siyahıdan seçilir: ədəd, qutu, kq, litr, m² və s.; ədəd tipli vahidlərdə miqdar tam olur.
Mal və xidmət ayrılır: xidmət anbara girmir, sayıma düşmür.
IMEI və ya seriya nömrəsi ilə izlənən malda hər ədədin anbarda olub-olmadığı və kimə satıldığı axtarışla tapılır.
Alış qiymətinə görə orta çəkili maya dəyəri hesablanır, stokun maya dəyəri ayrıca kartda görünür.

Sifarişlərlə bağlı anbar

Sifarişə əlavə olunan mal avtomatik rezerv olunur, təhvil veriləndə stokdan çıxılır, ləğv olunanda isə rezerv azad edilib çatışmazlığı olan əvvəlki sifarişlərə keçir. Təhvil zamanı hansı anbardan nə qədər çıxacağını görürsünüz, qismən təhvil də mümkündür.

Kimlər üçündür və necə başlamaq

Anbar modulu topdan satış şirkətləri, distribyutorlar, mağazalar və bir neçə anbarı olan bizneslər üçündür. Malları Excel ilə toplu yükləyin: faylda kod, ad, vahid, qiymət, minimum və qalıq sütunları olur, qalıq seçdiyiniz anbara yazılır. Qeydiyyatdan sonra 7 günlük pulsuz sınaq başlayır, bank kartı tələb olunmur. Anbarın daxil olduğu paketlər Qiymətlər səhifəsindədir.

Tez-tez verilən suallar

Mal siyahısını Excel-dən yükləmək olar?

Bəli. İdxal zamanı qalığın hansı anbara yazılacağını seçirsiniz. Ən asan yol əvvəlcə ixrac edib həmin faylı nümunə kimi doldurmaqdır.

Bir neçə anbarı ayrıca izləmək mümkündür?

Bəli. Hər anbarın qalığına ayrıca baxılır, mallar anbarlar arasında köçürmə sənədi ilə keçirilir və jurnalda qarşı anbarla birlikdə yazılır.

Bir malın qalığını düzəltmək üçün tam sayım lazımdır?

Xeyr. Tək mal üçün stok əməliyyatında düzəliş edib fərqi və səbəbi yazmaq kifayətdir. Tam sayım bütün anbarı yoxlamaq üçündür.