Mağaza üçün kassa proqramı: barkoddan qəbzə qədər

Kassada satış: barkod, mal qrupları, nağd və kart

Malı tapmağın üç yolu var: barkodu skan etmək, ad, kod və ya IMEI yazmaq, ya da mal qruplarından seçmək.

• Tam barkod oxunan kimi mal səbətə düşür, eyni barkodu yenidən oxutduqda miqdar 1 artır.
• Ödəniş nağd, kart və ya qarışıq ola bilər: karta məbləğ yazanda nağd hissə özü hesablanır.
• Müştərinin verdiyi məbləği yazanda pul üstü böyük rəqəmlə göstərilir.
• Sensor rejimdə düymələr böyüyür, mallar plitə kimi görünür, ekran klaviaturası açılır.
• Qəbz 80 mm və ya 58 mm termoprinterdə önbaxışsız çap oluna bilər, istəsəniz loqo ilə.

POS proqramında növbə, X və Z hesabat

Kassir növbəni açılış nağdı ilə açır. X hesabat növbəni bağlamadan cari cəmləri göstərir, Z hesabatda isə sayılmış nağd yazılır və kassada olmalı məbləğlə fərq görünür. Z nömrələri ardıcıldır, hesabatlarda ƏDV cəmi də var. Kassa çeki maliyyə sənədi kimi silinmir və dəyişdirilmir: səhv satış qaytarma ilə düzəldilir.

Nəzarətli qaytarma

• Qaytarma çekdən edilir, mal anbara qayıdır və qaytarma qəbzi çap olunur.
• Kassirin hüququ yoxdursa, menecer kassirin ekranında öz email və parolu ilə qaytarmanı təsdiqləyir.
• Köhnə çekin qaytarma müddəti parametrlərdə təyin olunur, standart olaraq 14 gündür.
• Çeksiz qaytarmada səbəb məcburidir, admin bu imkanı tamamilə bağlaya bilər.

Kassa anbar və satışla birlikdə

Hər kassa bir anbara bağlanır və yalnız ondan satır: qalığı olmayan mal səbətə düşmür. Kassanı konkret kassirlərə bağlamaq olar, onlar başqasının kassasında növbə aça bilməz. Mal kartında ƏDV dərəcəsi seçilir, qiymət ƏDV daxil yazılır. Topdan qiymət və topdan minimumları kassada da yoxlanılır, IMEI-li mal nömrəsi ilə satılır. 1C qoşulubsa, çeklər və qaytarmalar 1C-yə ötürülür.

Kimlər üçündür və necə başlamaq

Kassa proqramı mağazalar, apteklər, kafelər və həm pərakəndə, həm topdan satan bizneslər üçündür. Admin parametrlərdə kassanı yaradır, anbarı və kassirləri seçir, malları isə Excel ilə yükləmək olar. Qeydiyyatdan sonra 7 günlük pulsuz sınaq başlayır, bank kartı tələb olunmur. Kassa və anbarı birlikdə əhatə edən paketləri Qiymətlər səhifəsində görə bilərsiniz.

Tez-tez verilən suallar

SBT CRM fiskal çek vurur?

Hazırda kassa «əl rejimində» işləyir: Azərbaycanda pərakəndə satış üçün tələb olunan onlayn kassa aparatının (NKA) çek nömrəsini kassir çekə yazır. CRM-in qəbzi «Fiskal çek deyil» yazısı ilə çap olunur. Aparatlarla birbaşa inteqrasiya növbəti mərhələdə planlaşdırılır.

Hansı printer lazımdır?

Kağız lenti 80 mm və ya 58 mm olan termoprinter. Kassa ayarında lentin eni seçilir, Chrome və ya Edge qısayolu ilə qəbz önbaxışsız çap olunur.

Çeki tapılmayan malı geri qəbul etmək olar?

Bəli, çeksiz qaytarma ilə: mal, miqdar və səbəb yazılır, hüquq yoxdursa menecer təsdiqləyir. Admin bu imkanı söndürə bilər.

Kassanı sensor ekranda işlətmək mümkündür?

Bəli. Sensor rejimində böyük düymələr, mal plitələri və ekran klaviaturası var, tam ekran rejimi menyunu gizlədir. Barkod skaneri bu rejimdə də işləyir.

Kassir başqa kassada satış edə bilərmi?

Kassa kassirlərə bağlanıbsa, kassir yalnız ona bağlı kassanı və heç kimə bağlanmamış kassaları görür. Başqasının kassasında növbə açmaq, satış və qaytarma etmək mümkün deyil, menecer və admin isə bütün kassaları görür.